Alaksandr Łukašenka, sustrakajučysia 19 sakavika ŭ Džakarcie z prezidentam Indanezii Susiłam Bambanha Judajonam, zaprasiŭ jaho naviedać u najbližejšym časie Biełaruś ź vizitam u adkaz. Kiraŭnik indanezijskaj dziaržavy zaprašeńnie pryniaŭ.
«Sioleta Biełaruś i Indanezija adznačajuć dvaccacihodździe ŭstanaŭleńnia dypłamatyčnych adnosinaŭ. Moj vizit i, ja spadziajusia, chutki vizit u adkaz majho kalehi adkryjuć novuju staronku našaj sumiesnaj historyi».
U svaju čarhu Susiła Bambanha Judajona nazvaŭ vizit Alaksandra Łukašenki histaryčnym, pakolki dziakujučy jamu krainy zmohuć značna pahłybić dvuchbakovyja adnosiny.
Pavodle słoŭ Łukašenki, u supracoŭnictvie ź Indanezijaj Biełaruś bačyć pierśpiektyvy dla naroščvańnia prysutnaści ŭ krainach ASIEAN (rehijanalnaja mižuradavaja Asacyjacyja krain
«Pahłybleńnie adnosinaŭ ź dziaržavami— Pry hetym Indanezija źjaŭlajecca klučavoj krainaj dla prasoŭvańnia našych intaresaŭ u hetym vialikim rehijonie. Upeŭnieny, što Biełaruś dla Indanezii taksama zmoža stać niečym nakštałt mosta ŭ sumiežnyja dziaržavy. Naša cikavaść — u ASIEAN, vaša — u Jeŭropie i Mytnym sajuzie praź Biełaruś».Paŭdniova-Uschodniaj Azii — adzin z pryjarytetaŭ źniešniaj palityki Biełarusi, — padkreśliŭ Łukašenka.
Pavodle słoŭ Łukašenki, užo jość płany pa stvareńni sumiesnych pramysłovych i sielskahaspadarčych pradpryjemstvaŭ na terytoryi Indanezii, jakija buduć pastaŭlać pradukcyju nie tolki na indanezijski rynak, ale i ŭ inšyja krainy rehijonu.
Prezidenty abmierkavali pierśpiektyvy supracoŭnictva ŭ pramysłovaj, sielskahaspadarčaj, navukovaj, adukacyjnaj, kulturnaj, abaronnaj i inviestycyjnaj śfierach,razhledzieli miery pa baraćbie z nadzvyčajnymi situacyjami i tematyku ŭzajemadziejańnia na mižnarodnaj arenie.
Čakajecca, što ŭ chutkim časie ŭ Biełaruś prybuduć pradstaŭniki indanezijskaha biźniesu, jakija vyznačać dadatkovyja kirunki supracoŭnictva pamiž dźviuma krainami.
Pieršy aficyjny vizit Alaksandra Łukašenki ŭ Indaneziju pačaŭsia 17 sakavika. 20–22 sakavika adbudziecca dziaržaŭny vizit Łukašenki ŭ Respubliku Sinhapur.
