Z 1 krasavika pa 30 maja ŭ Biełarusi budzie dziejničać siezonnaja zabarona na łoŭlu ryby,paviedamiła načalnik upraŭleńnia bijałahičnaj i łandšaftnaj raznastajnaści Ministerstva pryrodnych resursaŭ i achovy navakolnaha asiarodździa Natalla Minčanka.
Pavodle jaje słoŭ, zabarona zaklikana zabiaśpiečyć spryjalnyja ŭmovy dla nierastu. Sioleta ŭ suviazi z doŭhimi chaładami ŭ Minpryrody pastupali prapanovy rybałovaŭ adkłaści ŭviadzieńnie zabarony, adnak hetaha rabić nie płanujecca. «Prahnoz nadvorja na krasavik spryjalny dla pačatku nierastu ryby, i masavy jaje vyłaŭ u hety čas niedapuščalny», — adznačyła pradstaŭnik Minpryrody.
Taksama asobnym haspadarkam tradycyjna płanujecca dazvolić pramysłovy vyłaŭ vuhra. Adpaviednaja pastanova Minpryrody ciapier prachodzić uzhadnieńnie ŭ Ministerstvie justycyi.Padčas zabarony dazvolena tolki amatarskaje rybałoŭstva adnoj vudaj z adnym kručkom bo adnym śpininham, jaki asnaščany štučnaj prynadaj, z adnym adzinarnym, abo dvajnym, abo trajnym kručkom. Łavić rybu dazvolena ŭ śvietły čas sutak i tolki ź bieraha.
Pavodle słoŭ Minčanki, z 1 krasavika pa 15 červienia zabaraniajecca taksama łoŭla presnavodnych krevietak. Akramia taho, z 1 krasavika pa 1 listapada dziejničaje zabarona na zdabyču matyla: ličynak
Jak adznačyła pradstaŭnik Minpryrody, štraf za niezakonnuju rybnuju łoŭlu składaje dla hramadzian ad 10 da 50 bazavych vieličyń z kanfiskacyjaj pryłady niezakonnaj zdabyčy,dla indyvidualnych pradprymalnikaŭ — ad 50 da 200 bazavych vieličyń, dla jurydyčnych asob — ad 500 da 1.000 bazavych vieličyń. U dapaŭnieńnie da štrafu nieabchodna vypłacić sumu, u jakuju śpiecyjalisty aceniać naniesieny ŭron navakolnamu asiarodździu. Hetaja suma raźličvajecca ŭ zaležnaści ad kolkaści i vidu niezakonna vyłaŭlenaj ryby.