Na hetym tydni siaredniasutačnaja tempieratura pavietra była na 5-10 hradusaŭ nižejšaja za klimatyčnuju normu. Taki tempieraturny fon charakterny dla siaredziny studzienia.
U cełym sakavik byŭ na 2-4 hradusy chaładniejšy, čym zvyčajna. Ščodrym jon byŭ i na apadki, asabliva pa paŭdniovym uschodzie krainy, dzie ŭ niekatorych rajonach vypała 2--3 miesiačnyja normy.
Takoha chałodnaha i śniežnaha nadvorja ŭ sakaviku nie nazirałasia ŭ Biełarusi bolš za 50 hadoŭ.
U bližejšyja vychodnyja tempieraturny fon niekalki pavysicca, adnak zastaniecca nižej za siarednija šmathadovyja značeńni. Sapraŭdnaha viasnovaha nadvorja pakul nie čakajecca.
U subotu, 30 sakavika, niaŭstojlivyja ŭmovy nadvorja ŭ Biełarusi zabiaśpiečać frantalnyja raździeły ad cykłonu z centram nad Litvoj.
Nočču na bolšaj častcy terytoryi krainy čakajecca śnieh, zavirucha. Dniom pieravažna pa ŭschodniaj pałovie projduć apadki ŭ vyhladzie mokraha śniehu i daždžu, utvorycca słaby hałalod.Dzie-nidzie pa zachadzie zhuścicca tuman. Viecier paŭdniova-ŭschodni, paŭdniovy ŭmierany, nočču na bolšaj častcy, a dniom pa ŭschodzie mocny paryvisty. Tempieratura pavietra: minimalnaja nočču 0 .. -6°S, pa paŭnočnym uschodzie krainy -7 .. -10°S, maksimalnaja dniom -1 .. +5°S.
U niadzielu, 31 sakavika, nadvorje ŭ našaj krainie budzie vyznačać u asnoŭnym pole panižanaha atmaśfiernaha cisku, dniom u paŭdniovych rehijonach pačnie adbivacca ŭpłyŭ frantalnaha padziełu ad paŭdniovaha cykłonu.
Nočču miescami projdzie karotkačasovy śnieh. Dniom pa paŭdniovaj pałovie krainy apadki ŭ vyhladzie mokraha śniehu i daždžu.Miescami tuman, hałalod. Viecier pieramiennych napramkaŭ umierany. Tempieratura: minimalnaja nočču 0 .. -6°S, pry prajaśnieńniach da -10°S; maksimalnaja dniom 0 .. +5°S.
U paniadziełak, 1 krasavika, u suviazi z prachodžańniem praz našu terytoryju paŭdniovaha cykłonu, prahnazujucca składanyja ŭmovy nadvorja.U bolšaści rajonaŭ krainy čakajecca śnieh, mokry śnieh, miescami mocny śnieh, nalipańnie mokraha śniehu, słabaja zavirucha. Pa paŭdniova-ŭschodniaj pałovie projduć apadki (mokry śnieh, doždž), utvorycca słaby tuman i hałalod. Viecier pieramiennych napramkaŭ ŭmierany, miescami paryvisty. Tempieratura pavietra: minimalnaja nočču 0 .. -5°S, maksimalnaja udzień -2 .. +4°S; pa paŭdniovym uschodzie nočču +1 .. +3°S, dniom +5 .. +7°S, miescami da +10°S.
0
0
0
0
0
0
