Hazieta The New York Times upieršyniu źmiaściła na pieršuju staronku fatahrafiju, apracavanuju z dapamohaj fotadadatka Instagram.
Na pieradavicy numara ad 31 sakavika byŭ raźmieščany zdymak biejsbalista Aleksa Radryhiesa, zrobleny fatohrafam Nikam Łemam. Łem raspavioŭ u błohu, što pry zdymcy hulcoŭ kamandy New York Yankees razam z prafiesijnaj kamieraj vykarystaŭ i svoj iPhone, apracavaŭšy zdymki ŭ Instagram.
Fotasiesija biejsbalistaŭ adbyłasia jašče ŭ lutym 2012 hoda.
Tady papularny fotabank Getty Images dadaŭ zdymki Łema ŭ svoj katałoh. Tym samym fotabank pahadziŭsia, što iPhone i Instagram mohuć ličycca instrumientami prafiesijnaha fatohrafa.
Fotazdymki, źniatyja na iPhone, źjaŭlajucca na pieradavicach The New York Times nie pieršy raz. U listapadzie 2010 hoda vydańnie apublikavała na pieršaj pałasie zdymki z Afhanistana. Tady fatahrafii byli apracavanyja z dapamohaj mabilnaha dadatka Hipstamatic, anałahu Instagram.
***
Fotaservis Instagram byŭ zapuščany ŭ kastryčniku 2010 hoda i da lutaha 2013 nabraŭ miesiačnuju aŭdytoryju ŭ 100 miljonaŭ karystalnikaŭ. Dadatak dazvalaje karystalnikam iPhone i smartfonaŭ na bazie Android apracoŭvać zdymki i vykładvać ich u sacsietkach.
