Varšava znachodzicca na radoviščach słancavaha hazu. Enierhietyčnyja kancerny zmahajucca za prava zdabyvać paliva ŭsio bližej da miežaŭ polskaj stalicy, piša «Gazeta Wyborcza».
Kampanija Orlen płanuje testavyja śvidravańni kala Vałamina ŭ niekalkich kiłamietrach ad Varšavy. Kancesija amierykanskaj firmy FX Energy siahaje ažno staličnaha rajonu Žalibaž.
Pavodle hieołahaŭ, stalica Polščy znachodzicca ŭ miežach tak zvanaj zony «Płock — Varšava», jakaja adnosicca da pierśpiektyŭnych rehijonaŭ, dzie zdabyča hazu moža być prybytkovaj.
Pavodle Dziaržaŭnaha hieałahičnaha instytuta, radoviščy słancavaha hazu ŭ Polščy ciahnucca ad ŭźbiarežža Bałtyjskaha mora ŭ vakolicach Hdańska praz Varšavu ažno da Lublina. U ich moža znachodicca ad 360 da 760 młrd. kubamietraŭ hazu. Pry ciapierašnim spažyvańni Polščy spatrebiłasia b 65 hod, kab vykarystać takuju kolkaść paliva.