Dva čałavieki paciarpieli i 25 evakuiravana na pažary ŭ domie № 82 pa vulicy Kamiennahorskaj u Minsku, paviedamlaje MNS.
Nadzvyčajnaje zdareńnie adbyłosia ranicaj 6 krasavika.
U 10.07 chvilin u centr apieratyŭnaha ŭpraŭleńnia Minskaha haradskoha ŭpraŭleńnia MNS ad žycharoŭ i minakoŭ pačali pastupać paviedamleńni pra dym z akna kvatery, raźmieščanaj na šostym paviersie dzieviacipaviarchovaha doma.
Supracoŭniki MNS prybyli praz vosiem chvilin i likvidavali pažar ŭ 10.30. Vyśvietlena, što adbyłosia ŭzharańnie majomaści na płoščy 12 kv. mietraŭ u žyłym pakoi trochpakajovaj kvatery, jakaja naležyć hramadzianinu 1980 hoda naradžeńnia. Z padpalenaj kvatery vyratavana žonka haspadara 1981 h.n. biez prytomnaści.
Pa słovach dziaciej (2002, 2005 i 2008 h.n.), da prybyćcia padraździaleńniaŭ MNS žančyna vyvieła ich z padpalenaj kvatery i samastojna pačała hasić pažar. U vyniku jana atrymała apioki cieła I-III stupieniaŭ (50%) i termainhalacyjnuju traŭmu. Paciarpiełaja znachodzicca ŭ balnicy chutkaj miedycynskaj dapamohi. Tudy ž z termainhalacyjnaj traŭmaj dastaŭlena starejšaje dzicia - navučenka 5-ha kłasa SŠ № 59.
Pryčyna pažaru vyśviatlajecca, mierkavanaja - svavolstva dziaciej z ahniom.
Aŭtamatyčny pažarny apaviaščalnik u kvatery byŭ, adnak jon nie spracavaŭ z-za adsutnaści elemienta siłkavańnia.
