Vilenskaja akruhovaja prakuratura aburanaja ćvierdžańniami vilenskaj palicyi, nibyta biełaruski hramadzki dziejač Raman Vajnicki skončyŭ samahubstvam, adčuŭšy niebiaśpieku z-za prysvajeńnia hrošaj, atrymanych ad ES.
Supracoŭnik prakuratury Rołandas Imbrasas, jaki kuryruje spravu Vajnickaha, kaža: «Cikava, jak možna ŭčynić samahubstva z zaviazanymi rukami i nahami dy zaleplenym rotam. Heta vielmi cikava».
Jość mierkavańnie, što ćvierdžańniem pra samahubstva palicyja sprabuje zakryć spravu, jakaja zajšła ŭ tupik.
Nahadajem, što raniej supracoŭniki litoŭskaj palicyi ahučyli adnu z papiarednich viersij pryčynaŭ śmierci Vajnickaha.
Haziecie Lietuvos rytas ab pakul nie paćvierdžanych vysnovach raspavioŭ kiraŭnik Vilenskaj palicyi Kiastucis Łančynskas. Pavodle jaho słoŭ, treba dačakacca ŭsich vynikaŭ daśledavańniaŭ. Uźnikła viersija, što śmierć Vajnickaha, chutčej za ŭsio, była staranna padrychtavanym samahubstvam, a jaho pryčyna — sproba paźbiehnuć adkaznaści za kradziež hrošaj ź siaredniaj škoły imia Francyska Skaryny, dzie jon pracavaŭ zahadačykam haspadarki.
