Jak paviedamili BiełaPAN u adździele infarmacyi i suviazi z hramadskaściu SK, u jakaści abvinavačanych pryciahnuty 13 čałaviek. Ich dziejańni padpadajuć pad skład złačynstva, praduhledžanaha č. 3 art. 233 KK (niezakonnaja pradprymalnickaja dziejnaść, spałučanaja z atrymańniem prybytku ŭ asabliva bujnym pamiery).
U chodzie papiaredniaha śledstva ŭstanoŭlena, što abvinavačvanyja źjaŭlalisia ŭdzielnikami hramadskaha abjadnańnia «MMM-2011» i zajmali roznyja pasady («Dziesiatniki», «Sotnikaŭ», «tysiačnika», «diesiatitysiačnika») u ijerarchičnaj struktury. Z metaj sistematyčnaha atrymańnia prybytku z dapamohaj rekłamavańnia dziejnaści «MMM-2011» dla šyrokaha kruha nasielnictva abvinavačanyja pryciahvali hrašovyja srodki biełaruskich hramadzian. Hrošy ŭnosilisia ŭ biełaruskich rublach i zamiežnaj valucie na adkrytyja ŭdzielnikami arhanizavanaj hrupy raźlikovyja rachunki ŭ biełaruskich bankach.
Kiraŭniki finansavaj piramidy pryciahvali hrošy hramadzian, matyvujučy apošnich atrymańniem majomasnaj vyhady ad układzienych srodkaŭ, abiacajučy prybyli na niekalki paradkaŭ vyšej dziejučych na toj momant stavak pa depazitnych układach u bankach krainy.
«MMM-2011» ažyćciaŭlała bankaŭskuju dziejnaść u parušeńnie dziejučaha zakanadaŭstva bieź dziaržaŭnaj rehistracyi jurydyčnaj asoby i atrymańnia śpiecyjalnaha dazvołu (licenzii).
Supracoŭnikami SK byli praviedzieny ahlady kamputarnaj techniki, dopyty śviedak, praanalizavana i zafiksavanaja infarmacyja ab udzielnikach i sumach układaŭ u «MMM-2011», a taksama vyrablenych vypłatach. Dałučanyja da materyjałaŭ spravy i źviestki ab ruchu hrašovych srodkaŭ pa rachunkach abvinavačanych.
Śledstvam pryniata rašeńnie ab pieradačy materyjałaŭ kryminalnaj spravy prakuroru dla nakiravańnia ŭ sud.