U Biełarusi pašyrany pieralik vidaŭ pradprymalnickaj dziejnaści, jakija spartyŭnyja kłuby i spartyŭnyja arhanizacyi mohuć ažyćciaŭlać biez utvareńnia kamiercyjnych arhanizacyj. Heta praduhledžana ŭkazam Alaksandra Łukašenki № 191 "Ab akazańni padtrymki arhanizacyjam fizičnaj kultury i sportu" ad 15 krasavika 2013 hoda, apublikavanym na Nacyjanalnym pravavym internet-partale.
Spartyŭnyja arhanizacyi, stvoranyja ŭ formie hramadskich abjadnańniaŭ (sajuzaŭ, asacyjacyj), biez utvareńnia kamiercyjnych arhanizacyj abo ŭdziełu ŭ ich majuć prava na pradprymalnickuju dziejnaść u halinie sportu, turyzmu, aptovaha i roźničnaha handlu, rekłamy, a taksama na zaniatak inšaj dziejnaściu pa arhanizacyi adpačynku i zabaŭ, prakatam bytavych vyrabaŭ i pradmietaŭ asabistaha karystańnia, dziejnaściu vodnaha transpartu, dziejnaściu inšaha suchaputnaha pasažyrskaha transpartu, jaki nie padparadkoŭvajecca raskładu, akazvać pasłuhi aŭtamabilnych stajanak, zajmacca budaŭnictvam, vydavieckaj dziejnaściu, palihrafičnaj dziejnaściu i pradastaŭlać pasłuhi ŭ hetaj halinie.
