StaršyniaLibieralna-demakratyčnaj partyi Siarhiej Hajdukievič budzie bałatavacca na pasadu prezidenta na čarhovych vybarach, jakija projduć u 2015 hodzie. Za jaho vyłučeńnie ad partyi prahałasavali delehaty pazačarhovaha źjezda ŁDP, jaki prachodzić 20 krasavika ŭ Minsku.
Pa słovach člena vyšejšaj rady ŁDP Alaksieja Dziamieški, plusy Hajdukieviča «nie treba pieraličvać, jany viadomyja i ŭ Biełarusi, i za jaje miežami».
Sam Hajdukievič paśla abrańnia pretendentam u kandydaty na pasadu prezidenta paabiacaŭ, što siabry partyi «nie paškadujuć, usio budzie mocna, mahutna, dobra».
Hajdukievič braŭ udzieł u prezidenckich kampanijach 2001, 2006 i 2010 hadoŭ. U 2001 hodzie za jaho, pavodle aficyjnych źviestak, prahałasavała 2,48%, u2006-m — 3,5%.
U 2010 hodzie Hajdukievič, zajaviŭšy ab nieabchodnych dla rehistracyi kandydatam u prezidenty 100 tys. podpisach, źniaŭsia z vybaraŭ. Pry hetym jon rastłumačyŭ, što ličyć vybary ŭ Biełarusi «śpiektaklem, vyniki jakoha ŭžo daŭno ŭsim viadomyja».
0
0
0
0
0
0
