Jak paviedamiŭ BiełaPAN lider Abjadnanaj hramadzianskaj partyi (AHP) Anatol Labiedźka, pahadnieńnie padtrymali AHP, Partyja BNF, Partyja kamunistaŭ Biełaruskaja, Biełaruskaja partyja žančyn «Nadzieja», Biełaruskaja sacyjał‑demakratyčnaja partyja (Hramada), arhkamitet pa stvareńni Biełaruskaj partyi pracy, arhanizacyja «Za svabodnaje raźvićcio pradprymalnictva», a taksama častkova arhkamitet pa stvareńni ruchu «Za Svabodu».
Admovilisia dałučycca da pahadnieńnia Biełaruskaja sacyjał‑demakratyčnaja Hramada, arhkamitety pa stvareńni Biełaruskaj sacyjał‑demakratyčnaj partyi (Narodnaja Hramada) i «Maładoha frontu». U pryvatnaści, lider BSDH Stanisłaŭ Šuškievič zaznačyŭ, što pahadnieńnie skoŭvaje inicyjatyvu subjektaŭ ADS.
Pavodle słoŭ A.Labiedźki, hałoŭnaje ŭ pahadnieńni toje, što demsiły vystaŭlajuć na parłamienckija vybary 2008 hoda adziny śpis, jaki praduhledžvaje najaŭnaść adzinaha ahulnaha kandydata na adnu vybarčuju akruhu. Kožny z takich kandydataŭ budzie ŭdzielničać u vybarčaj kampanii z ahulnym pasłańniem da vybarščykaŭ, pad adnym łozunham i «pryspuščanym partyjnym ściaham».
Pahadnieńnie taksama raźmiažoŭvaje funkcyi pamiž centram i rehijonami. U pryvatnaści, adzinaha kandydata buduć vyłučać u abłaściach, kali ž rehijony nie znojduć adzinaha rašeńnia, vybar zrobić centr.
30 žniŭnia pahadnieńnie budzie vyniesiena dla pryniaćcia na pasiadžeńnie Palitsavieta ADS.
