Miesca zdareńnia.
Ranicaj u paniadziełak u Vilni adbyłosia niaščaście. Miarkujuć, što na ahladnaj placoŭcy, ź jakoj adkryvajecca cudoŭny vid na Stary horad, było ździejśnienaje samahubstva -- znojdzienyja pareštki zharełaha čałavieka.
U 06.08 hadzin ranicy ratavalnikam pa telefonie pastupiła paviedamleńnie, što ŭ Vilni, na ahladnaj placoŭcy pa vuł. Subačus, 24 haryć čałaviek.
Na miesca zdareńnia byli vysłany siły pažarnych, infarmacyja pieradadzienaja na stancyju chutkaj dapamohi i ŭ kamisaryjat palicyi.
DELFI vyśvietliła, što pra niaščasny vypadak paviedamiŭ čałaviek, jaki špacyravaŭ z sabakam.
Słužby vyratavańnia, jakija prybyli na miesca, užo ničym nie mahli dapamahčy, čałaviek byŭ miortvy. Pobač lažaŭ raźvitalny list.
Asoba čałavieka pakul nie vyśvietlenaja, jasna, što heta mužčyna, adnak viek pa pareštkach vyznačyć było niemahčyma.
