 |
U suviazi z razbureńniem histaryčnaj častki Hrodna Kamitet pa kultury i adukacyi Jeŭraparłamienta źviarnuŭsia ŭ JUNESKA z prośbaj abarony histaryčnaj častki centra karaleŭskaha horada nad Niomanam. U zajavie ŭtrymlivajecca prośba ŭtvareńnia mižnarodnaj kamisii, jakaja zaniałasia b nahladam za restaŭracyjnymi pracami ŭ Hrodnie.
Pradstaŭnik Kamiteta Tadevuš Źviefka padrychtavaŭ taksama admysłovuju zajavu, u jakoj asudžajecca prahrama rekanstrukcyi zabytkovych budynkaŭ histaryčnaha centra Hrodna i zaklik da miascovych ŭładaŭ spynić padobnyja dziejańni.
Jak paviedamiŭ lideru demakratyčnych sił Biełarusi Alaksandru Milinkieviču staršynia Kamisii pa zamiežnym spravam Jeŭrapiejskaha parłamienta Jacek Saryjuš‑Volski «staražytnaja kulturnaja spadčyna Hrodna źjaŭlajecca supolnaj prablemaj nie tolki biełarusaŭ, ale taksama i palakaŭ, litoŭcaŭ i ŭsich jeŭrapiejcaŭ, i ja maju spadzieŭ, što pradpryniatyja nami kroki dapamohuć spynić dalejšaje naŭmysnaje razbureńnie staražytnaha centru Hrodna».
Nahadajem, što lider demakratyčnych sił Biełarusi Alaksandr Milinkievič nakiravaŭ listy ŭ JUNESKA i šerah mižnarodnych arhanizacyj pa zachavańni kulturnaj spadčyny, a taksama da kiraŭnikoŭ uradaŭ krain ES i deputataŭ Jeŭraparłamienta z prośbaj nie dapuścić źniščeńnia histaryčnaj architekturna‑archieałahičnaj spadčyny Hrodna. Ciapier pa jaho prośbie z takim ža zaklikam u JUNESKA źviarnuŭsia Kamitet pa kultury i adukacyi Jeŭraparłamienta.
