Jak paviedamiła načalnik adździeła ideałohii Bychaŭskaha rajvykankama Marharyta Baćviankova, pomnik demantavali praź jaho drenny stan.
«Jon rušyŭsia: plačo advaliłasia. Jon pusty ŭnutry, a tut jašče raskolina pajšła. Pakul razhladajem varyjanty, što budziem rabić ź im. Mahčyma, na rekanstrukcyju adpravim i pastavim u inšym miescy».
U Bychavie, darečy, jašče adzin pomnik pravadyru praletaryjatu znachodzicca kala rajvykankama.
Pa słovach ideołaha, pamiać pra Lenina šunujecca ŭ rajonie, i da hetaha pomnika, u tym liku, pastajanna ŭskładalisia kvietki. Na miescy ž demantavanaha Lenina, vierahodna, źjavicca pamiatny znak kansiervava-aharodninasušylnamu zavodu.
1 vieraśnia ŭ Bychavie projdzie Dzień biełaruskaha piśmienstva. Da hetaj daty, miž inšym, płanujuć častkova adnavić Bychaŭski zamak. Mahčyma, u horadzie paŭstanie parkavaja zona, dzie źbiaruć pomniki, jakija nie majuć stałaj prapiski.
0
0
0
0
0
0