Łatuška ŭskłaŭ vianok u Paryžy na ŭhodki Čarnobyla 2

26 krasavika pasoł Biełarusi ŭ Francyi Pavieł Łatuška ad imia dyppradstaŭnictva ŭskłaŭ vianok da Tryumfalnaj arki ŭ Paryžy ŭ suviazi z hadavinaj trahiedyi na Čarnobylskaj AES.

U cyrymonii ŭskładańnia viankoŭ uziali taksama ŭdzieł pasły Rasii, Ukrainy, pradstaŭniki dypłamatyčnaha korpusa šerahu krain, akredytavanyja ŭ Francyi. Udzielniki ŭšanavali pamiać usich zahinułych i paciarpiełych ad avaryi na ČAES.

Pamiatnyja dni štohod pravodziacca francuzskaj arhanizacyjaj «Asacyjacyja likvidataraŭ i achviar čarnobylskaj katastrofy», jakaja źjaŭlajecca ŭ Francyi arhanizataram pamiatnych mierapryjemstvaŭ.

Taksama 26 krasavika ŭ horadzie Aras departamienta Pa-de-Kale adkryłasia prahrama «Viasna mižnarodnaj salidarnaści», pryśviečanaja dapamozie ŭ likvidacyi nastupstvaŭ avaryi na Čarnobylskaj AES. Prahrama arhanizavana Nacyjanalnaj arhanizacyjaj hramadskaj dapamohi Pa-de-Kale. Pa zaprašeńni jaje staršyni Žuljena Łapretra ŭdzieł u mierapryjemstvie ŭziaŭ pieršy sakratar pasolstva Biełarusi ŭ Francyi.

Heta francuzskaja arhanizacyja niekalki hadoŭ pracuje ź Biełaruśsiu ŭ miežach humanitarnaha supracoŭnictva, adznačyli ŭ pasolstvie.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH