Fota sa staronki Julii Ukantakcie.
Pravaachoŭnyja orhany pravodziać pravierku pa fakcie śmierci 23-hadovaj žycharki Hrodna paśla pieraniesienaj płastyčnaj apieracyi ŭ adnym z bujnych minskich kamiercyjnych miedycynskich centraŭ.
Pavodle źviestak BiełaPAN, rynapłastyka była praviedziena ŭ kancy sakavika, paśla čaho pacyjentka trapiła ŭ komu, i znachodziłasia ŭ hetym stanie kala čatyroch tydniaŭ. Śmierć nastupiła 23 krasavika.
Jak paviedamlaje telekanał ANT, dziaŭčynu sprabavali vyratavać miedyki 4-j minskaj kliničnaj. Julija Kubarava była adzinaj dačkoj u baćkoŭ.
ANT pryvodzić słovy rodnych dziaŭčyny, jakija śćviardžajuć, što apieracyja doŭžyłasia amal try hadziny — zamiest nieabchodnych 1,5-2 hadzin.Nibyta chirurh źjechaŭ adrazu paśla apieracyi, aniestezijołah zazirnuŭ da dziaŭčyny ŭ pałatu, patłumačyŭšy, što budzić jaje nie treba — pračniecca sama. I taksama pakinuŭ ŭstryvožanych baćkoŭ dziaŭčyny. Nočču miedsiastra centra, nie bačačy palapšeńnia stanu pacyjentki, vyklikała lekaraŭ, i dziaŭčynu dastavili ŭ reanimacyju 4-j haradskoj kliničnaj balnicy Minska.
Julija skončyła fakultet Vizualnaha dyzajnu i miedyja EHU, pracavała dyzajnieram. Na staroncy dziaŭčyny Ukantakcie źmieščany dziasiatki spačuvańniaŭ.
0
0
0
0
0
0
