Kanduktarka Darja Małaškovič i Andruś Krečka.
Historyja minčuka Andrusia Krečki, jaki 1 krasavika trapiŭ u niepryjemnuju situacyju ŭ tralejbusie maršruta № 1, atrymała praciah.
Pa jaho słovach, kanduktarka hruba adreahavała na jaho zvarot pa-biełarusku. Chłopiec napisaŭ skarhu ŭ «Minsktrans» i zaraz atrymaŭ adkaz za podpisam hiendyrektara pradpryjemstva Lavoncija Papianka.
U adkazie havorycca, što paćvierdzić abo abvierhnuć infarmacyju, vykładzienuju ŭ zvarocie, nie ŭjaŭlajecca mahčymym, bo kanduktarka ŭ svajoj tłumačanaj zapiscy śćviardžaje, što nie dapuskała hrubaści ŭ dačynieńni da pasažyra. A na pastaŭlenaje pa-biełarusku pytańnie adkazała pa-rusku, što nie zabaroniena zakonam.
«Tym nie mienš, uličvajučy pastupiŭšy zvarot, z kanduktaram praviedzieny dadatkovy instruktaž pa abaviazkovym vykanańni instrukcyi kanduktara, uzajemna vietlivym i kulturnym absłuhoŭvańni pasažyraŭ padčas pracy na linii. Prynosim prabačeńni za dastaŭlenyja niazručnaści», — havorycca ŭ liście.
