Nasielnictva Talina składaje 426 tys. čałaviek, siaredni zarobak u horadzie — 828 jeŭra «čystymi».
Estonskija prafsajuzy sustreli Pieršamaj šeściem i kancertam u centry Talina. Pa słovach staršyni Centralnaha sajuza prafsajuzaŭ Pieepa Pietersana, hałoŭnaja meta dla prafsajuzaŭ Estonii siońnia — rost zarabotnaj płaty na fonie padaražeńnia elektryčnaści i inflacyi.
«Samaje važnaje — heta zarpłata! Pałova rabotnikaŭ vymušana pracavać za 600 jeŭra ŭ miesiac. A pry hetym elektryčnaść i ŭsio astatniaje daražeje. A značyć, zarobki pavinny raści» — cytuje słovy Pietersana Postimees.
Dla paraŭnańnia: siaredni zarobak u Biełarusi «brudnymi» ŭ sakaviku, zhodna ź Biełstatam, składaŭ 415 jeŭra (4 692,8 tys. rubloŭ), minimalny zarobak u Biełarusi składaje 1 młn 395 tys. (123 jeŭra). Minimalny zarobak u Estonii z 1 studzienia 2013 h. vyras z 290 da 320 jeŭra.
U Estonii siaredni zarobak brudnymi, pavodle departamienta statystyki, składaje 916 jeŭra (723 jeŭra čystymi),
u Talinie ŭ 4-m kvartale 2012 h. siaredni zarobak čystymi składaŭ 828 jeŭra.
Zarobak u śfiery elektraenerhii ŭ Estonii składaje 1308 jeŭra, u śfiery charčavańnia i haściničnych pasłuh — 572 jeŭra.
Inflacyja ŭ Estonii za 2012 hod skłała 3,9%.
