Pieršamajskim (Minska) rajonnym adździełam Śledčaha kamiteta Biełarusi raspačata sprava pa č. 1 art. 340 Kryminalnaha kodeksa (zaviedama niepraŭdzivaje paviedamleńnie ab niebiaśpiecy) u dačynieńni da minskaha školnika, jaki «zaminiravaŭ» adnu sa staličnych himnazij.
Kryminalnaja sprava raspačata pa materyjałach pravierki Savieckaha RUUS.
29 krasavika stała viadoma, što ŭ himnazii na vulicy Kujbyšava zakładziena bomba. U karotkija terminy pravaachoŭniki arhanizavali evakuacyju navučencaŭ i piedahohaŭ, a taksama abśledavali budynak.
Paralelna byli arhanizavany mierapryjemstvy pa ŭstanaŭleńni asoby taho, chto zvaniŭ. Im akazaŭsia 15-hadovy školnik. Sam jon vučycca ŭ inšaj navučalnaj ustanovie.
Školnik pryznaŭsia va ŭčynienym i skazaŭ, što patelefanavaŭ prosta z kłasa, numar škoły nazvaŭ naŭzdahad, chacieŭ pažartavać.
0
0
0
0
0
0