Udava eks-palitviaźnia Arcioma Hrybkova ŭ aŭtorak, 30 krasavika, naradziła syna.
Jak paviedamiła Śviatłana «Našaj Nivie», i chłopčyk, i jana adčuvajuć siabie dobra. Vyznačyłasia jana i ź imiem dla niemaŭlaci — nazavie Jarasłavam.
Arciom ažaniŭsia sa Śviatłanaj u listapadzie 2012. A 13 śniežnia jon zahinuŭ. Jamu było 23 hady, jon z Karelič. Vučyŭsia ŭ minskim kaledžy lohkaj pramysłovaści. Za ŭdzieł u Płoščy-2010 jaho asudzili na 4 hady źniavoleńnia. Kali jaho zatrymali na Płoščy, to dumałasia, što jon trapiŭ tudy vypadkova. Ni ŭ jakich ruchach, ni ŭ partyjach jon nie byŭ. Ale čałaviek tudy pryjšoŭ śviadoma. Dastatkova pračyć jahonyja biełaruskamoŭnyja vieršy.
Vyzvali Arcioma ŭ žniŭni 2011, paśla napisanaha prašeńnia ab pamiłavańni. «Tam byŭ adzin radok: «Prošu pomiłovať v śviazi z čistosierdiečnym raskajanijem», — tłumačyŭ Arciom paśla vychadu na svabodu. I dadavaŭ — «Ja pajšoŭ by znoŭ na Płošču».
Śviatłana čakała jaho z turmy, chadziła na sudy, vaziła pieradačy.
