Kiraŭnik Fiederacyi chakieja Jaŭhien Vorsin raskazvaje, čamu našy funkcyjaniery paprasili nie puskać na matčy zaŭziataraŭ ź biełaruskaj dziaržaŭnaj simvolikaj pačatku 1990-ch.
«Ja liču, što heta nie zaŭziatary pryjšli na matč, a pryjšli niejkija staronnija ludzi, jakim, pa ŭsioj vierahodnaści, zapłacili hrošy.Tamu što siarod ich byli i ciomnaskuryja. Niezrazumieła chto ― niejkaje ryźzio, — vykazvaje svajo mierkavańnie kiraŭnik biełaruskaj Fiederacyi chakieja Jaŭhien Vorsin. — Jany stajali i niezrazumieła što kryčali. I jakija dziejańni ŭ ich vyklikali zachapleńnie ― niezrazumieła. Prosta nieadekvatnyja ludzi. Ja nie liču, što heta zaŭziatary, miarkuju, što nichto na ich uvahi nie źviartaŭ.
Ale my źviarnuli, tamu što paličyli: mahčyma, heta niejkaja pravakacyja, nie bolš za toje. Ale paŭtaraju, što heta nie zaŭziatary, heta ― anhažavanyja kimści ludzi».
Atrymlivajecca, što ź bieł-čyrvona-biełymi ściahami na trybuny ŭžo puskać nie buduć, tak?
Jaŭhien Vorsin: Ja nie viedaju, jak i ŭ čym jany ich pranosiać. Nie viedaju, jak budzie pracavać słužba biaśpieki. Ale kali jany ich buduć vyviešvać, to ich sapraŭdy buduć prosta vydvarać z trybun.
Jak stała viadoma, zaŭzieć za našu zbornuju ŭ Stakholm pryjechali aktyvisty arhanizacyi «Biełaruskaja nacyjanalnaja pamiać», jakaja stvorana ŭ Polščy. Staršynia BNP Anatol Michnaviec patłumačyŭ, što ciomnaskuryja zaŭziatary i araby ― heta hramadzianie Šviecyi, jakija ŭstupilisia za bieł-čyrvona-biełych biełarusaŭ.
Jak paviedamlałasia raniej, biełaruskich zaŭziataraŭ bolš nie puściać na matčy chakiejnaha čempijanatu śvietu ź bieł-čyrvona-biełymi ściahami i hierbam «Pahonia». Pra heta ŭ razmovie z «Radyjo Svaboda» zajaviŭ hienieralny sakratar chakiejnaha ČS-2013 Toni Viren.
«U adpaviednaści z praviłami Mižnarodnaj chakiejnaj fiederacyi my nie možam dazvalać lubyja palityčnyja simvały, znaki ci niešta padobnaje ŭ miescy praviadzieńnia matčaŭ. Tamu my paprasili prybrać hetyja ściahi».
Rašeńnie pryznać bieł-čyrvona-bieły ściah «palityčnym znakam» było supolna pryniata Mižnarodnaj fiederacyjaj chakieja i arhanizatarami čempijanatu ŭ Šviecyi.Nahadajem incydent ź biełaruskimi zaŭziatarami adbyŭsia 3 traŭnia padčas chakiejnaha matču Biełaruś — Čechija. Šviedskaja palicyja sprabavała zabrać u biełarusaŭ bieł-čyrvona-bieły ściah.
Nahadajem, bieł-čyrvona-bieły ściah i hierb «Pahonia» byli dziaržaŭnaj simvolikaj Biełarusi z 1991-ha pa 1995 hod. U 2010-m «Pahonia» była ŭniesiena ŭ śpis historyka-kulturnych kaštoŭnaściaŭ Biełarusi.
Siońnia na čempijanacie śvietu zbornaja Biełarusi zhulaje sa Słavienijaj. Pačatak u 13:15.
