 |
Jamu ŭžo prysvojenaja čaćviertaja, pieradapošniaja katehoryja niebiaśpieki. Achviarami stychii stali ŭžo 8 čałaviek. Chutkaść vietru ŭ epicentry ŭrahanu siahaje 235 km/h. Specyjalisty nie vyklučajuć, što nieŭzabavie Dzin ŭzmacnieje j atrymaje najbolšuju katehoryju niebiaśpieki.
Na Jamajcy paśla ŭrahanu abvieščanaje nadzvyčajnaje stanovišča — dla baraćby z maraderstvam.
U Meksycy, kudy «Dzin» (Dean) moža dajści praz sutki, užo abjaŭlenaje štarmavoje papiaredžańnie. Jak pieradajuć RIA‑Novosti, na ŭzmocnieny varyjant pracy pieraviedzienyja i ŭsie amerykanskija nadzvyčajnyja słužby. U Vašynhtonie śćviardžajuć, što addadzieny zahad dziejničać tak, jak kali b urahan dakładna išoŭ na terytoryju ZŠA.
Nadzvyčajnaje stanovišča ŭviedzienaje ŭ štacie Łuizijana, dzie dva hady tamu ŭrahan «Katryna» amal całkam źniščyŭ Novy Arlean.
NASA vyrašyła, što šatł «Indevar», jaki paciarpieŭ padčas uźlotu, vierniecca na Ziamlu na dzień raniej.
Terminovuju evakuacyju pravodziać i naftavyja kampanii Meksykanskaj zatoki. Pracaŭniki z marskich naftavych placovak užo adpraŭlenyja na kantynent.
