Špijonski nabor? U internecie vykazvajuć sumnievy, što ŭsio tak prosta.
U dypłamata znajšli list z abiacańniem hrošaj i instrukcyjami.
Rajan Fohł pracavaŭ trecim sakratarom pasolstva ŭ Maskvie.
Zatrymańnie dypłamata pakazali na kanale Russia Today.
Zatrymańnie adbyłosia kala poŭnačy.
Zatrymany ŭ Maskvie za špijanaž amierykanski dypłamat Rajan Fohł prapanoŭvaŭ supracoŭniku rasijskich śpiecsłužbaŭ $ 1 młn u hod za supracoŭnictva, pieradaje RIA «Naviny» sa spasyłkaj na rasijskuju śpiecsłužbu FSB.
FSB pakazała kadry apieratyŭnaj zdymki, u jakoj fihuruje list sa słovami Fohła.
«My hatovyja prapanavać Vam 100 tysiač dalaraŭ i abmierkavać Vaš dośvied, viedy i supracoŭnictva. Pry hetym apłata moža być značna bolšaj, kali Vy hatovyja adkazać na kankretnyja pytańni. Akramia hetaha, za doŭhaterminovaje supracoŭnictva my prapanujem da $ 1 młn u hod z abiacańniem dadatkovych bonusaŭ za infarmacyju, jakaja nam dapamoža», — paviedamlajecca ŭ liście.
Zatrymany Fohł pracavaŭ trecim sakratarom pasolstva ZŠA ŭ Rasii. Pry zatrymańni ŭ jaho skanfiskavali taksama śpiecyjalnyja techničnyja srodki i... paryki. Prynamsi, tak śćviardžaje rasijski telekanał Russia Today.