15 maja pačałasia adpraŭka hramadzian Biełarusi, pryzvanych na terminovuju vajennuju słužbu, u złučeńni i voinskija čaści Uzbrojenych sił, inšych vojskaŭ i vajskovych farmiravańniaŭ.
Jak paviedamiła pres-słužba Ministerstva abarony, u pieršy dzień u vojski nakiravana bolš jak 1 tys. pryzyŭnikoŭ, u tym liku 185 — ź Minskaj vobłaści i 120 — ź Minska, jakija papoŭniać rady sił śpiecyjalnych apieracyj, roty hanarovaj varty, miechanizavanych złučeńniaŭ biełaruskaj armii.
Usiaho na ŭkamplektavańnie Uzbrojenych sił, inšych vojskaŭ i voinskich farmiravańniaŭ u hety pryzyŭ płanujecca nakiravać kala 9 tys. čałaviek.
Pryzyŭ hramadzian na terminovuju vajennuju słužbu ŭ lutym — mai 2013 hoda ažyćciaŭlajecca ŭ adpaviednaści z ukazam prezidenta ad 1 lutaha 2013 hoda № 53. U adpaviednaści z zakanadaŭstvam vykliku na pryzyŭnyja kamisii hetaj viasnoj padlahajuć bolš jak 70 tys. maładych ludziej. U vajennych kamisaryjatach krainy zaviaršajecca miedycynski ahlad pryzyŭnikoŭ.
Pryzyŭnymi kamisijami rajonaŭ (haradoŭ) u dačynieńni da hramadzian užo pryniata bolš jak 44 tys. rašeńniaŭ. Pradstaŭlena bolš jak 27 tys. adterminovak, bolšuju častku ź jakich — zvyš 70% — składajuć adterminoŭki dla praciahu adukacyi. Akramia taho, pradstaŭleny adterminoŭki hramadzianam pa stanie zdaroŭja, siamiejnym stanoviščy, dla atrymańnia vajenna-techničnych śpiecyjalnaściaŭ i ŭ suviazi z ažyćciaŭleńniem deputackich paŭnamoctvaŭ.
Raspačataja siońnia adpraŭka novaha papaŭnieńnia ŭ vojski z abłasnych zbornych punktaŭ krainy praciahniecca da 31 maja.
U adpaviednaści z zakanadaŭstvam pryzyŭ hramadzian na słužbu ŭ reziervie padčas viasieńniaha pryzyvu nie ažyćciaŭlajecca.
Cyrymonija pryniaćcia Vajennaj prysiahi ŭ novaha papaŭnieńnia ŭ złučeńniach i voinskich čaściach Uzbrojenych sił projdzie 15 červienia.
