 |
Hiensiek Arhanizacyi damovy ab kalektyŭnaj biaśpiecy Mikałaj Bardziuža raźličvaje, što rašeńnie ab stvareńni miratvorčych sił ADKB budzie pryniata ŭžo hetaj vosieńniu.
Pavodle jaho słoŭ, płanujecca stvaryć kantynhient, jaki budzie dziejničać jak u zonie adkaznaści arhanizacyi, tak i za jaje miežami pad ehidaj AAN.
Bardziuža nahadaŭ, što 6 kastryčnika ŭ Dušanbe projdzie pasiadžeńnie Savieta kalektyŭnaj biaśpieki, na jakim kiraŭnikam krain‑udzielnic ADKB budzie pradstaŭleny dakumient, jaki praduhledžvaje stvareńnie padobnych miratvorčych sił, paviedamlaje «Interfaks».
Nahadajem, členam hetaj arhanizacyi źjaŭlajecca i Biełaruś. Kiraŭnik kamisii pa mižnarodnych spravach i nacyjanalnaj biaśpiecy Savieta respubliki Mikałaj Čarhiniec paviedamiŭ Jeŭraradyjo, što źjaŭlajecca prychilnikam stvareńnia takich miratvorčych sił.
Čarhiniec: «Ja nie suprać utvareńnia takich siłaŭ, jakija b pad ehidaj AAN mahli vykonvać miratvorčuju misiju»
Čarhiniec zaznačyŭ, što ŭ Biełarusi niama takoha zakanadaŭstva, jakoje b zabaraniala ŭdzielničać u miratvorčym kantynhiencie. Takim čynam, biełaruskija sałdaty dziela naviadzieńnia miru mohuć trapić u miescy vajennaha kanfliktu.
Čarhiniec: «Heta nie bajavyja kropki, a kropki niestabilnaści, dzie patrebnaja miratvorčaja dziejnaść. Heta, kaniešnie, zona ryzyki, ale kali AAN prymaje padobnaje rašeńnie, Biełaruś hatovaja ŭdzielničać»
Fota photo.bymedia.net
