Parłamient Kazachstana ŭchvaliŭ zakon «Ab piensijnym zabieśpiačeńni ŭ Respublicy Kazachstan», jaki praduhledžvaje pavyšeńnie piensijnaha ŭzrostu dla žančyn z 58 da 63 hadoŭ.
Zakonaprajekt praduhledžvaje, što z 2014 hoda ŭzrost vychadu na piensiju dla žančyn budzie štohod pavialičvacca na paŭhoda. Za 10 hadoŭ jon padvysicca da 63 hadoŭ.Zaraz mužčyny vychodziać na piensiju ŭ 63 hady, žančyny — u 58 hadoŭ.
Praduhledžvajecca taksama stvareńnie adzinaha dziaržaŭnaha nazapašvalnaha piensijnaha fondu i ŭviadzieńnie abaviazkovych prafiesijnych piensijnych adličeńniaŭ pracadaŭcami dla supracoŭnikaŭ, jakija pracujuć u ciažkich i škodnych umovach.
Zakon padadzieny na podpis prezidentu krainy Nursułtanu Nazarbajevu i ŭstupić u siłu paśla padpisańnia jaho kiraŭnikom dziaržavy.
0
0
0
0
0
0
