Cana pytańnia - 100 miljonaŭ dalaraŭ Michaił Miaśnikovič sustreŭsia z kiraŭnikami rasijskich karparacyj AEON Corporation Ramanam Tracenkam i TAA «Novaport» Siarhiejem Rudakovym.
Sustreča prajšła 22 maja, paviedamlaje pres-słužba ŭrada.
Byli razhledžanyja pytańni supracoŭnictva z hetymi kampanijami, mahčymaści pryciahnieńnia inviestycyj u raźvićcio Nacyjanalnaha aeraporta «Minsk», stvareńnia na jaho bazie mižnarodnaha tranzitnaha vuzła pamiž haradami Rasii, krain SND i krainami Jeŭropy.
Razmova taksama išła pra mahčymaść adkryćcia novych maršrutaŭ Nacyjanalnaj avijakampanii «Biełavija» i stvareńni ŭ Biełarusi sučasnaj avijaramontnaj bazy.
Učora Michaił Miaśnikovič prainfarmavaŭ ab sustrečy z rasijskimi inviestarami Łukašenku. Pa paviedamleńni jaho pres-słužby, «abjom inviestycyj moža skłaści, jak miarkujecca, kala 100 młn dalaraŭ». Akramia taho, Nacyjanalny aeraport i kampanija «Biełavija» ŭklučajucca ŭ sietku aeraportaŭ i avijakampanij, što pavysić efiektyŭnaść ich pracy na rynku avijapieravozak.
Łukašenka padtrymaŭ hetyja prapanovy, i praz paŭtara miesiaca ŭrad pavinien pradstavić adpaviedny biźnies-płan i prajekt inviestycyjnaj damovy.
Adznačym, što Raman Tracenka ŭ lipieni minułaha hoda byŭ pryznačany daradcam kiraŭnika kampanii «Rośniefť» Ihara Siečyna, jaki naviedaŭ Minsk 16 maja.
