Kiraŭnik Ministerstva achovy zdaroŭja Rasii Vieranika Skvarcova zajaviła ŭ paniadziełak, što dla abmiežavańnia prytoku nielehalnych mihrantaŭ u Rasiju treba ŭvieści ŭjaznyja vizy.
Jana taksama zaŭvažyła, što treba bolš stroha sačyć za zdaroŭjem mihrantaŭ. «My nie viedajem, z čym jany pryjazdžajuć, a jość ža roznyja infiekcyi i adkrytyja formy suchotaŭ, i roznyja formy chvarob, jakija pieradajucca z kryvioj», — zajaviła jana.
Jana padkreśliła, što lehalnych mihrantaŭ praviarajuć praź śpiecyjalnuju sistemu.
«U ramkach JeŭrAzES my śpiecyjalna raspracavali sistemu ahladu tych mihrantaŭ, jakija pryjazdžajuć na našu terytoryju. Kali mihrant pryjazdžaje lehalna i vykonvaje ŭsie patrabavańni pa rehłamiencie, to ŭ nas jość mahčymaść ŭsie chvaroby adsačyć», — skazała Skvarcova.
0
0
0
0
0
0
