Kiroŭcu hruzavoha aŭtamabila "DAF", jaki ŭčyniŭ najezd na mašynu chutkaj dapamohi ź miedykami na aŭtadarozie Viciebsk — Połack, vystaŭlena abvinavačańnie.
Dziejańni kiroŭcy kvalifikavanyja na padstavie č. 3 art. 317 KK (parušeńnie praviłaŭ darožnaha ruchu, u vyniku čaho mieła miesca śmierć dvuch ci bolš asob). U dačynieńni da abvinavačvanaha abrana miera strymańnia ŭ vyhladzie ŭziaćcia pad vartu. Pravodziacca aŭtatechničnaja, trasałahičnaja i inšyja kryminalistyčnyja ekśpiertyzy.
Nahadajem, trahiedyja adbyłasia ranicaj 23 maja. Miedyki jechali ŭ Viciebsk na kanfierencyju pa kardyjałohii.Na darozie Viciebsk — Połack za dziesiać kiłamietraŭ ad Šumilina mikraaŭtobus spyniŭsia, kab likvidavać niaspraŭnaść. Kiroŭca zajmaŭsia ramontam, kali hružanaja fura, jakaja ruchałasia ŭ spadarožnym kirunku, raptam na poŭnaj chutkaści ŭrezałasia ŭ aŭtamabil ź miedrabotnikami. Udar ad sutyknieńnia byŭ nastolki mocnym, što mikraaŭtobus vykinuła ŭ pole. U sałonie aŭtamabila byli zabłakavanyja piać pasažyraŭ. Ratavalniki vyzvalili ŭsich i pieradali bryhadam chutkaj miedycynskaj dapamohi, adnak vyratavać žyćci čatyroch nie ŭdałosia.
Ad atrymanych traŭm zahinuli zahadčyca terapieŭtyčnaha adździaleńnia Centralnaj haradskoj balnicy Natalla Hudkova, zahadčyca kardyjałahičnaha adździaleńnia haradskoj balnicy № 1 Iryna Kazačenka, zahadčyca terapieŭtyčnaha adździaleńnia № 1 Centralnaj haradskoj palikliniki Valancina Jarmak, zahadčyca Varonickaj balnicy siastrynskaha dohladu Alona Asavik. U ciažkim stanie ŭrač-kardyjołah Natalla Suvorava dastaŭlena ŭ adździaleńnie reanimacyi.
