U vyniku štarmavoha vietru 27 maja ŭ Biełarusi paciarpieli 48 nasielenych punktaŭ, paškodžanyja dachi 95 žyłych damoŭ, 3 abjekty sackultbytu, adzin vytvorčaha pryznačeńnia i 70 sielskahaspadarčych budynkaŭ. Viaducca adnaŭlenčyja raboty.
Jak paviedamlałasia raniej, u Baranavičach kala 16:15 zvaliŭsia błokavy fasadny franton čatyrochpaviarchovaha žyłoha doma pa vuł. Lenina, 8. Atrymali traŭmy roznaj stupieni ciažkaści dźvie asoby; ich špitalizavali.
U Słucku vypaŭ hrad dyjamietram 20 mm.
Byli abiastočanyja 833 nasielenyja punkty, 120 sielskahaspadarčych budynkaŭ, 2.428 transfarmatarnych padstancyj, paškodžanyja 184 linii elektrapieradačy. Adklučeńni apieratyŭna adnaŭlalisia avaryjnymi bryhadami.
Pa stanie na 6 hadzin ranicy biez elektrazabieśpiačeńnia zastavalisia 15 nasielenych punktaŭ u Homielskaj, Minskaj i Mahiloŭskaj abłaściach.
0
0
0
0
0
0
