U pracoŭnym kodeksie pašyrać katehoryi asob, jakija majuć prava na dekretny adpačynak zamiest maci

U Biełarusi płanujecca pašyryć śpiektr pasłuh dla siamiej ź dziećmi, paviedamiła ministr pracy i sacyjalnaj abarony Biełarusi Marjana Ščotkina 31 maja na Mižnarodnaj navukova-praktyčnaj kanfierencyi «Siamja ŭ kantekście demahrafičnych i hiendarnych prablem sučasnaha hramadstva».

Pavodle słoŭ Ščotkinaj, u adpaviednaści z novaj redakcyjaj zakona «Ab sacyjalnym absłuhoŭvańni» ŭ Biełarusi płanujecca raźvivać prahramy sacyjalnaha absłuhoŭvańnia siamji, dziejnaść słužbaŭ pa akazańni dapamohi baćkam u vychavańni dziaciej. Na siońnia ŭ Biełarusi pracujuć 149 terytaryjalnych centraŭ sacyjalnaha absłuhoŭvańnia i dva centry sacyjalnaha absłuhoŭvańnia siamji i dziaciej. Śpiektr pasłuh, jakija jany akazvajuć jak na biaspłatnaj, tak i na častkova płatnaj i płatnaj asnovie, budzie pašyracca, skazała ministr.

Tak, pavodle jaje słoŭ, niapoŭnym siemjam, jakija vychoŭvajuć dzicia-invalida, i siemjam, jakija vychoŭvajuć troch i bolš dziaciej, buduć biaspłatnymi karotkačasovyja pasłuhi niańki. Na bazie stacyjanarnych ustanoŭ sistemy Minpracy i sacabarony dastupnaja pasłuha sacyjalnaj pieradyški — vyzvaleńnie baćkoŭ ad dohladu dziciaci-invalida na niekatory čas. Baćki zmohuć skarystacca hetaj pasłuhaj na pieryjad adpačynku ci na čas dohladu svaich sastarełych baćkoŭ, na vyrašeńnie siamiejnych pytańniaŭ i h.d.

Pavodle słoŭ Ščotkinaj, unosiacca taksama źmianieńni ŭ pracoŭny kodeks RB u častcy pašyreńnia katehoryj asob, jakija majuć prava na adpačynak pa dohladu dziciaci zamiest maci. Takoje prava budzie dadziena baćkam i inšym svajakam dziciaci, kali maci źjaŭlajecca samazaniataj — pracuje advakatam, indyvidualnym pradprymalnikam, ramieśnikam i da t.p.

0

0

0

0

0

0

Anastasija Sałanovič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH