Sioleta ŭ Minsku adnoŭlena dziejnaść letnich pracoŭnych łahieraŭ dla padletkaŭ 2

Pra heta na pres-kanfierencyi 5 červienia paviedamiŭ načalnik pradstaŭnictva Minskaha haradskoha ŭpraŭleńnia Respublikanskaha centra pa azdaraŭleńni i sanitarna-kurortnym lačeńni Valeryj Nafranovič.

Pavodle jaho słoŭ, takaja forma letnich łahieraŭ dla školnikaŭ adradžajecca paśla amal 30-hadovaha pierapynku i źviazana z ustanaŭleńniem uzrostavaha cenzu dla nakiravańnia dziaciej u zaharadnyja azdaraŭlenčyja łahiery — 6–14 hadoŭ.

«Dla školnikaŭ 15–18 hadoŭ sioleta budzie adkryta 28 łahieraŭ pracy i adpačynku, u jakija zapłanavana pryciahnuć 1,5 tys. dziaciej», — skazaŭ Nafranovič.

Śpiecyjalist adznačyŭ, što dzieci buduć pracavać u škołach i na takich pradpryjemstvach, jak «Minskzielenbud», ahrakambinat «Ždanovičy», u zaaparku i na pramysłovych pradpryjemstvach horada. U ich abaviazki budzie ŭvachodzić prybirańnie terytoryj i pamiaškańniaŭ, pasadka i dohlad raślinaŭ, dobraŭparadkavańnie, ramont školnych pamiaškańniaŭ i mebli. Dzieci buduć atrymlivać zarabotnuju płatu «ŭ zaležnaści ad mahčymaściaŭ pradpryjemstvaŭ i arhanizacyj». Źmiena raźličana na 18 dzion.

«Žadańnie ŭ školnikaŭ i ich baćkoŭ trapić u hetyja łahiery jość, i vodhuki na hetuju inicyjatyvu stanoŭčyja.

U nastupnym hodzie my płanujem adkryć takija łahiery i za horadam na bazie sielskahaspadarčych pradpryjemstvaŭ», — skazaŭ Nafranovič.

Jon paviedamiŭ, što sioleta dla minskich školnikaŭ budzie pracavać 37 zaharadnych, 366 haradskich i prykładna 200 pałatačnych i profilnych azdaraŭlenčych łahieraŭ. U zaharadnych łahierach zapłanavana azdaravić bolš jak 31 tys. školnikaŭ, u haradskich — 28 tys.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH