«Pierasiačeńnie miažy, jakoje pry hetym abjomie mašyn zvyčajna zajmaje 2–2,5 hadziny, zaciahnułasia na 10 hadzin. Heta źviazana z uviadzieńniem novych praviłaŭ, jakija hruntujucca na sumiesnaj pastanovie mytnaha i pamiežnaha kamitetaŭ», — raspaviadaje Juraś Hubarevič, jaki ŭnačy viartaŭsia ŭ Biełaruś z Polščy i niečakana trapiŭ u vialiki zator na pierachodzie «Varšaŭski most».
Juraś kaža, što u «čyrvony kalidor» u vyniku traplaje našmat bolš aŭtamabilaŭ. Tudy adpraŭlajuć kala 80% tych, što raniej stajali ŭ «zialonym».Usim niezadavolenym pamiežniki pakazvajuć nievialikuju papierku, dzie napisana, što z 4 červienia 2013 hoda buduć bolš pilna sačyć za aŭto z «zialonaha kalidora». Ludzi aburajucca, svaracca, skardziacca — ale davodzicca padparadkoŭvacca, raskazvaje Hubarevič.
«Ludzi ničoha nie razumiejuć. Sutykajucca z hetym upieršyniu. Jany majuć tolki asabistyja rečy, jakija mohuć być zapakavanyja ŭ vialikija torby. Pamiežniki kažuć, što nie buduć praviarać hetyja torby, bo nie majuć prava na heta. Nakiroŭvajuć da mytnikaŭ, a mytniki — u čyrvony kalidor».
Zhodna z dakumientam, jakija ciapier pakazvajuć ludziam na miažy, pryčynaj nakiravańnia ŭ čyrvony kalidor moža być kolkaść ludziej u sałonie (čatyry i bolš), vialikija torby ŭ bahažniku i navat zamiežnaja rehistracyja aŭto.
Jeŭraradyjo źviarnułasia pa infarmacyju ab novych praviłach u Adździeły arhanizacyi mytnaha kantrolu Bresckaj i Ašmianskaj mytniaŭ. Ale tam albo ničoha nie viedajuć pra novaŭviadzieńni, albo uvohule admaŭlajucca davać infarmacyju. Maŭlaŭ, pryjazdžajcie ź Minska da nas na pryjom i vam usio raskažuć. Na sajtach Pamiežnaha i Mytnaha kamitetaŭ taksama ni słova — tam visiać staryja praviły prachodu «čyrvonaha» i «zialonaha» kalidoraŭ.
Atrymać kamientaryj udajecca tolki ŭ pamiežnikaŭ. UU joj pieraličvajucca pryčyny, pry najaŭnaści jakich pamiežniki pavinny paviedamlać mytnikam pra padazronyja aŭtamabili u «zialonym» kalidory.pres-słužbie Pamiežnaha kamiteta kažuć, što sumiesnaja z Mytnym kamitetam pastanova źjaviłasia jašče 31 kastryčnika 2011 hoda.
«Kali transpartny srodak adpaviadaje peŭnym kryteryjam, to supracoŭnik pamiežnaha kamiteta paviedamlaje pra heta mytniku. Voś i ŭsio. Paradak nie źmianiŭsia, patrabavańni da fizičnych asob i tavaraŭ, jakija jany pieravoziać, nie źmianilisia».
Adnak, niahledziačy na zachavańnie ŭsich praviłaŭ, ludzi stajać u čerhach na miažy našmat bolš, i ŭ vyniku navat nie zapaŭniajuć dekłaracyj — upisvać tudy ŭ ich prosta niama čaho.
Hety dakumient pamiežniki pakazvajuć aburanym ludziam na «Varšaŭskim moście».
Daviedka:
Praz «Zialony kalidor» u Biełaruś možna jechać, kali:
1) Rečy ŭ vašym bahažy nie padlahajuć abkładańniu mytnymi płaciažami. Heta tavary dla asabistaha karystańnia (za vyklučeńniem etyłavaha śpirtu), košt jakich nie pieravyšaje sumu 1500 jeŭra i ahulnaja vaha jakich nie bolš za 50 kiłahramaŭ; ałkaholnyja napoi i piva ŭ kolkaści nie bolš za 3 litry, 200 cyharet abo 50 cyhar (cyharył), abo 250 hramaŭ tytuniu; byłyja va ŭžyvańni tavary dla asabistaha karystańnia niezaležna ad ich koštu i vahi.
2) Biełaruskija rubli, zamiežnaja valuta, darožnyja čeki nie padlahajuć mytnamu dekłaravańniu i mohuć pieramiaščacca pa «zialonym kalidory», kali ich ahulnaja suma nie pieravyšaje ŭ ekvivalencie 10 000 dołaraŭ.
3) U vas adsutničaje čužy bahaž.
4) Vy ŭvozicie transpartny srodak, zarehistravany na terytoryi Respubliki Biełaruś, Respubliki Kazachstan abo Rasijskaj Fiederacyi.
Praz «zialony kalidor» možna vyjechać ź Biełarusi, kali:
1) Vy vyvozicie tavary, jakija nie padlahajuć abkładańniu mytnymi płaciažami.
2) Vyvoziacca tavary, vyvaz jakich nie zabaronieny i nie abmiežavany.
3) Vyvoziacca biełaruskija rubli, zamiežnaja valuta, darožnyja čeki, ahulnaja suma jakich nie pieravyšaje ŭ ekvivalencie 10 000 dołaraŭ.
4) Vy vyvozicie transpartny srodak, zarehistravany na terytoryi Respubliki Biełaruś, Respubliki Kazachstan abo Rasijskaj Fiederacyi.
