Złučanyja Štaty Amieryki źniali sankcyi z dvuch biełaruskich pradpryjemstvaŭ, adnak inšyja sankcyi zastajucca ŭ sile — pra heta havorycca ŭ zajavie pasolstva ZŠA ŭ Biełarusi.
Jak raniej paviedamlałasia, ab źniaćci sankcyj ZŠA ŭ dačynieńni da ZAT «Biełtechekspart» i AAT «Biełaruskaje
Jak vynikaje z zajavy pasolstva, jany źniaty ŭ suviazi z zakančeńniem terminu dziejańnia adpaviedna z «Aktam ZŠA ab nieraspaŭsiudžvańni ŭ dačynieńni da Irana, Paŭnočnaj Karei i Siryi». Akt praduhledžvaje ŭviadzieńnie sankcyj na dva hady.
«Kali na praciahu hetaha pieryjadu sankcyi nie byli źniatyja, termin ich dziejańnia spyniajecca pa zakančeńni dvuch hadoŭ. Sankcyi ŭ dačynieńni da vyšejzhadanych kampanij pieršapačatkova byli ŭviedzienyja 23 maja 2011 hoda. Takim čynam, pavodle ŭstalavanaj Aktam praktyki termin ich dziejańnia skončyŭsia pa skančeńni dvuch hadoŭ», — skazana ŭ zajavie.
Pry hetym u dyppradstaŭnictvie padkreślivajuć: «Usie astatnija sankcyi ŭrada ZŠA zastajucca ŭ sile, uklučajučy sankcyi, uviedzienyja 31 studzienia 2011 h. i ŭ žniŭni 2011 hoda ŭ adkaz na dziejańni ŭładaŭ paśla prezidenckich vybaraŭ 19 śniežnia 2010 hoda ŭ Biełarusi».