Brytanski hurt Pet Shop Boys padtrymaŭ zvarot Poła Makartni da rasijskich uładaŭ z prośbaj vyzvalić udzielnic rasijskaj pank-hrupy Pussy Riot, paviedamlaje Bi-Bi-Si.
Duet pryjechaŭ u Rasiju ŭ ramkach hastrolaŭ u padtrymku novaha alboma Electric.
Na pres-kanfierencyi vakalist Pet Shop Boys Nił Tenant skazaŭ, što Rasija — adna z samych lubimych jaho krain, i jon daŭno lubić rasijskuju kulturu, adnak dadaŭ, što sudzić hramadstva pa tym, jak jano stavicca da mienšaściaŭ.
Jon taksama skazaŭ, što raźličvaje na bolš chutkaje vyzvaleńnie dvuch udzielnic rasijskaj pank-hrupy, pakolki pakarańnie, pavodle jaho słoŭ, zusim niepraparcyjnaje tamu, što jany ździejśnili.
Pres-kanfierencyja Pet Shop Boys ŭ Maskvie adbyłasia napiaredadni zapłanavanaha na 5 červienia kancertu ŭ padtrymku alboma, jaki vyjdzie va ŭsich krainach 15 červienia.
Sam albom, pa vodhukach krytykaŭ i raskazach samich muzykaŭ, stanie bolš tancavalnym, čym papiarednija.
