Popyt na valutu na biržy apošni tydzień pieravyšaje prapanovu 6

5 červienia popyt na dalary na Biełaruskaj valutna-fondavaj biržy pieravysiŭ prapanovu na 12 młn, na jeŭra — na 8 młn.

Anałahičnyja tendencyi naziralisia ceły tydzień. U aŭtorak popyt pieravyšaŭ prapanovu na 9 młn dalaraŭ, 10 młn jeŭra. U paniadziełak — na 1,5 młn dalaraŭ, 0,5 młn jeŭra. U minułuju piatnicu — na 9 młn dalaraŭ, 9 młn jeŭra.

Tolki 6 červienia prapanova dalaraŭ pieravyšała popyt.

Pry hetym kursy valut źmianilisia niaznačna: dalara z 8690 31 maja da 8710 rubloŭ 6 červienia. Jeŭra — z 11310 da 11430.

Popyt moža być źviazany jak ź siezonam letnich adpačynkaŭ, kali ŭzrastaje popyt na valutu ŭ nasielnictva, tak i z rostam deficytu biahučaha rachunku, jaki ŭ pieršym kvartale 2013, zhodna z padlikami Nacbanka, dasiahnuŭ 17% ad VUP.

Učora stała viadoma, što ekśpierty Jeŭrazijskaha banka raźvićcia, jaki kiruje Antykryzisnym fondam JeŭrAzES, asnoŭnym kredytoram Biełarusi, zaklikali Biełaruś terminova abmiežavać rost dachodaŭ ludziej i kredytavańnie ekanomiki. Inačaj, miarkujuć jany, krainie pahražaje inflacyja i paŭtor finansavaha kryzisu 2011-ha.

0

0

0

0

0

0

Siarhiej Hiezhała

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH