Premjer-ministr Biełarusi Michaił Miaśnikovič raskrytykavaŭ pracu Ministerstva handlu, Ministerstva sielskaj haspadarki i charčavańnia, Biełkaapsajuza, abłvykankamaŭ i Minskaha harvykankama pa zabieśpiačeńni ŭnutranaha rynku rańnimi aharodninaj i jahadami.
Jon pryznaŭ hetuju pracu "bieśsistemnaj i niedastatkovaj jak u častcy abjomaŭ pastavak hetaj pradukcyi, tak i jaje asartymientu". Jak paviedamiła pres-słužba ŭrada, ab hetym było zajaŭlena na pasiadžeńni prezidyuma Savieta ministraŭ 4 červienia.
Kiraŭnik urada daručyŭ dziaržaŭnym orhanam pryniać dadatkovyja miery pa pavieličeńni abjomaŭ vytvorčaści rańnich aharodniny i jahad dla zabieśpiačeńnia patreb unutranaha rynku i rostu ekspartu.Asablivuju ŭvahu ajčynnyja vytvorcy pavinny nadać pavyšeńniu kankurentazdolnaści pradukcyi pa cenavym faktary, adznačyŭ Miaśnikovič.
Dadzieny taksama daručeńni pa zaklučeńni pahadnieńniaŭ na pastaŭku na ŭnutrany spažyviecki rynak jahad i płodaaharodninnaj pradukcyi, u tym liku rańnich terminaŭ vyśpiavańnia.
Akramia hetaha, "Biełdziaržcharčpram", Biełkaapsajuz i abłvykankamy pavinny pryniać dadatkovyja miery pa naroščvańni abjomaŭ narychtoŭki i pierapracoŭki płodaaharodninnaj syraviny i jahad.
0
0
0
0
0
0