Supracoŭnikami adździeła kryminalnaha vyšuku Savieckaha RUUS zatrymany 25-hadovy žychar stalicy, jaki padazrajecca ŭ sieryi kradziažoŭ z aŭtamabilaŭ.
Jak paviedamili ŭ HUUS Minharvykankama, na praciahu dvuch apošnich miesiacaŭ u Savieckaje RUUS pastupiła niekalki zajaŭ ab kradziažach z aŭtamabilaŭ. Charakternym dla ŭsich vypadkaŭ było toje, što škło ŭ mašynie raźbivałasia kamieniem navylot.
U chodzie adpracoŭki asobaŭ, jakija raniej traplali ŭ pole zroku pravaachoŭnikaŭ, milicyjanty vyjšli na 25-hadovaha žychara stalicy, jaki vyzvaliŭsia ŭ krasaviku ź miescaŭ pazbaŭleńnia voli. Pry praviercy padazreńni ŭzmacnilisia, a kali milicyjanty pryjšli da maładoha čałavieka dadomu, na jaho stale lažaŭ skradzieny napiaredadni videarehistratar.
Vyśvietliłasia, što vykradzienuju majomaść małady čałaviek zbyvaŭ taksistam pa dempinhavych cenach. Na dadzieny momant ŭstanoŭlena dačynieńnie złamyśnika da šaści faktach supraćpraŭnych učynkaŭ. Pravierka praciahvajecca.
