Z-za zabastoŭki avijadyśpietčaraŭ u Francyi admienieny rejs ź Minska ŭ Paryž i zatrymany vylet u Barsiełonu

Z-za zabastoŭki avijadyśpietčaraŭ u Francyi siońnia admienieny rejs ź Minska ŭ Paryž i zatrymany vylet u Barsiełonu, paviedamili BiełaPAN u pres-słužbie nacyjanalnaha aeraporta Minsk.

Samalot pa maršrucie Minsk — Barsiełona pavinien byŭ vylecieć u 13.30, a adpraviŭsia ŭ 16.10. Hety rejs prachodzić cieraz pavietranuju prastoru Francyi, i mižnarodnymi słužbami byŭ dazvoleny vylet paźniej, čym praduhledžana raskładam.

Pavodle infarmacyi pres-słužby NAK «Biełavija», rejs Minsk — Paryž 12 červienia admienieny. Pra heta było abjaŭlena 11 červienia. Heta taksama źviazana z zabastoŭkaj francuzskich avijadyśpietčaraŭ. Płanujecca, što 13 červienia samalot u Paryž vylecić pa raskładzie.

Zabastoŭka avijadyśpietčaraŭ u Francyi 12 červienia raspaŭsiudziłasia na 11 krain, paviedamlaje RTE News. Supracoŭniki aeraportaŭ pratestujuć suprać płanaŭ Jeŭrasajuza stvaryć sistemu «adzinaha jeŭrapiejskaha nieba». Prafsajuzy apasajucca, što jana moža pryvieści da istotnych skaračeńniaŭ pracoŭnych miescaŭ ci zarpłat u halinie.

Strajk pačaŭsia ŭ Francyi dniom raniej. Francuzskija prafsajuzy nazyvajuć sprobu pryniać zakon ab adzinym niebie pramoj atakaj na hetu śfieru, jakaja pradastaŭlaje hramadska značnyja pasłuhi. Z-za zabastoŭki ŭžo admienieny kala 1.800 rejsaŭ.

0

0

0

0

0

0

Maryna Nosava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH