Na hetym tydni ŭ Biełarusi čakajecca pa-letniamu ciopłaje, kamfortnaje i spakojnaje nadvorje, paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ.
Pavodle słoŭ Rabava, u pačatku tydnia nadvorje budzie vyznačacca ŭpłyvam pola pavyšanaha atmaśfiernaha cisku, sfarmiravanaha ŭ śviežym bałtyjskim pavietry. U aŭtorak čakajecca pieravažna biez apadkaŭ, tolki dniom pa Bresckaj vobłaści miescami projduć karotkačasovyja daždžy z navalnicami. Tempieratura pavietra nočču składzie plus 9—15°S, dniom 20—26°S, pa poŭdni da 28°S.
U Hrodnie tempieratura pavietra nočču čakajecca ŭ miežach plus 11—13°S, dniom 22—24°S, u Breście nočču 11—13°S, dniom 25—27°S, u Homieli nočču 12—14°S, dniom 23—25°S, u Mahilovie nočču 11—13°S, dniom 21—23°S, u Viciebsku nočču 10—12°S, dniom 20—22°S. Tempieratura pavietra ŭ Minskaj vobłaści najbližejšaj nočču čakajecca ŭ miežach plus 9—14°S, dniom 20—25°S. U stalicy nočču prahnazujecca plus 11—13°S, dniom 21—23°S.
U sieradu ŭ Biełarusi čakajecca pieravažna biez apadkaŭ, tempieratura pavietra nočču plus 6—13°S, dniom 20—26°S, pa Bresckaj vobłaści da 28°S.
U druhoj pałovie tydnia, pavodle słoŭ Rabava, u našu krainu pačnie pastupać bolš ciopłaje pavietra z paŭdniovych šyrotaŭ i tempieratura pavietra pačnie pastupova pavyšacca. U čaćvier u Biełarusi čakajecca pieravažna biez apadkaŭ, tempieratura pavietra nočču plus 7—14°S, dniom 21—28°S. Pa paŭdniovym zachadzie krainy nočču čakajecca da plus 16°S, dniom miescami da 30°S.
U piatnicu taksama čakajecca pieravažna biez apadkaŭ, tempieratura pavietra nočču plus 10—15°S, dniom 22—29°S. Pa paŭdniovym zachadzie krainy nočču plus 16—18°S, dniom da 30—31°S.
U vychadnyja dni tempieratura pavietra składzie nočču plus 10—16°S, dniom 22—29°S, miescami da 30—31°S. U asobnych rajonach nie vyklučany letnija karotkija navalničnyja daždžy.
