Biełarusy zajmajuć druhoje miesca ŭ Jeŭropie pa kolkaści źniavolenych u turmach u praporcyi da nasielnictva, druhoje miesca ŭ śviecie pa razvodach i voś — druhoje taksama pa spažyvańni harełki. Pra heta śviedčać dadzienyja rejtynhu, składzienaha na asnovie źviestak brytanskaj kampanii International Wine & Spirit.
Pavodle daśledavańnia, na adnaho žychara Biełarusi ŭ hod prypadaje bolš za 11 litraŭ harełki.
Pieršaje miesca ŭ dadzienym rejtynhu naležyć Rasii (13,9 litra), druhoje — Biełarusi (11,3), treciaje — Ukrainie (7,7), čaćviortaje — Polščy (7,0), piataje — Kazachstanu (5,9).
Usiaho ž žychary Ziamli ŭ 2012 hodzie vypili 4,44 młrd litraŭ harełki.
Akramia taho, ziamlanie vypili 1,47 młrd litraŭ romu (lidar Kuba — 4,9 litra na čałavieka), 0,86 młrd litraŭ skotču i viski (lidar Francyja — 1,9 litra na čałavieka), 0,44 młrd litraŭ džynu (lidar Filipiny — 1,4 litra) i 0,23 młrd litraŭ tekiły (lidar Mieksika — 0,63 litra).
Cikava, što i pa pjanstvie, i pa razvodach, i pa turemnaści Biełaruś dzielić pjedestał z Rasijaj. Słovy pra «ruskich sa znakam jakaści» ŭ takim kantekście nabyvajuć asablivaje hučańnie.
