Jepiskap Barysaŭski Vienijamin: U viernikaŭ jość žadańnie malicca i čuć Božaje słova pa-biełarusku 14

Fota www.blagobor.by.

U «Sovietskoj Biełoruśsii» vyjšła vialikaja hutarka ź vikarnym jepiskapam Barysaŭskim Vienijaminam.

Nahoda — padrychtoŭka da śviatkavańnia 1025-hodździa chryščeńnia Rusi. Adnak byli zakranutyja i inšyja temy. U pryvatnaści, prysutnaści biełaruskaha słova ŭ pravasłaŭnych cerkvach i relihijnych vydańniach.

Žurnalistka Halina Ulicionak skazała, što apošnim časam «usio čaściej možna pačuć, jak pravasłaŭnyja śviatary, asabliva maładoje pakaleńnie, upeŭniena karystajucca biełaruskaj movaj».

«U hetym vodhuk na žadańnie viernikaŭ malicca i čuć słova Božaje na rodnaj movie. Jašče ŭ 2007 hodzie Biblejskaja kamisija Biełaruskaha Ekzarchata ździejśniła pierakład i vydańnie bohasłužbovaha Jevanhiella na biełaruskuju movu, a sioleta vydadzieny malitvasłoŭ pa-biełarusku. Chočacca vieryć, što ŭ budučyni luboŭ da svajoj movy, historyi i kultury budzie raźvivacca», — zaznačyŭ uładyka Vienijamin.

Raniej jepiskap Barysaŭski ŭ presie vykazvaŭsia suprać śmiarotnaha pakarańnia.

* * *

Jepiskap Vieniamin (Vital Tupieka) naradziŭsia ŭ 1968 ŭ Łunincy Bresckaj vobłaści. Vučyŭsia ŭ BDU na fakultecie radyjofiziki i elektroniki, atrymaŭ dypłom pa śpiecyjalnaści «inžynier-radyjofizik». Słužyŭ u vojsku.

U žniŭni 1992 h. pastupiŭ na pieršy kurs Minskaj duchoŭnaj sieminaryi. U 1999 h. skončyŭ užo navučańnie ŭ Duchoŭnaj akademii z vučonaj stupieńniu «kandydat bahasłoŭja». Vyśviačany ŭ jepiskapy ŭ sakaviku 2010 hoda. Rašeńniem Sinoda Biełaruskaha ekzarchata ad 4 červienia 2010 h. pryznačany staršynioj Vydavieckaj rady BPC

Źmicier Pankaviec

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH