Ihar Azaronak adbyvaje pakarańnie ŭ kałonii ŭ Ivacevičach, Jaŭhien Połudzień — u Viciebsku

Były kamandujučy VPS i vojskami SPA Biełarusi Ihar Azaronak pa pryhavory suda adbyvaje pakarańnie ŭ papraŭčaj kałonii № 22 u Ivacevičach, były namieśnik ministra ŭnutranych spraŭ Jaŭhien Połudzień — u PK № 3 u Viciebsku. Ab hetym na pres-kanfierencyi 25 červienia paviedamiŭ namieśnik hienieralnaha prakurora Alaksiej Stuk.

«Siadzicca im jak i astatniamu śpieckantynhientu. Nijakija pieravahi im nie stvarajucca. Na lhotnym stanoviščy hetyja siadzielcy nie znachodziacca <…> Dumaju, ich nie kryŭdziać, skarhaŭ u adpaviednyja padraździaleńni departamienta vykanańnia pakarańniaŭ MUS i Hienieralnuju prakuraturu nie pastupała», — skazaŭ namieśnik hienprakurora. Čym Azaronak i Połudzień zajmajucca ŭ źniavoleńni, Stuk skazać nie zmoh.

Jon paviedamiŭ, što Azaronak niekalki razoŭ abskardziŭ pryhavor, ale «Hienprakuratura nie bačyć padstaŭ dla taho, kab umiešvacca ŭ pryhavor».

Były kamandujučy VPS i vojskami SPA Biełarusi hienierał-major Ihar Azaronak za łabiravańnie intaresaŭ rasijskaha pradpryjemstva byŭ pryhavorany 12 śniežnia 2010 hoda da 9 hadoŭ pazbaŭleńnia voli ŭ kałonii ŭzmocnienaha režymu z kanfiskacyjaj majomaści. Jon pazbaŭleny vajskovaha zvańnia hienierał-major, na praciahu 5 hadoŭ jamu zabaroniena zajmać pasady, źviazanyja z arhanizacyjna-rasparadčaj i administracyjna-haspadarčaj dziejnaściu.

Były bujny vajenny čyn pryznany vinavatym «u pryniaćci dla siabie materyjalnych kaštoŭnaściej u asabliva bujnym pamiery, jakija davalisia vyklučna z-za jaho stanovišča za spryjalnaje vyrašeńnie pytańniaŭ, što ŭvachodziać u jaho kampietencyju». Jaho dziejańni kvalifikavanyja pa č. 3 art. 430 Kryminalnaha kodeksa (atrymańnie chabaru ŭ asabliva bujnym pamiery).

Były namieśnik ministra ŭnutranych spraŭ Biełarusi — načalnik milicyi hramadskaj biaśpieki Jaŭhien Połudzień byŭ pryhavorany 25 sakavika 2013 hoda da troch z pałovaj hadoŭ pazbaŭleńnia voli ŭ kałonii ŭzmocnienaha režymu z kanfiskacyjaj majomaści. Jon pazbaŭleny śpiecyjalnaha zvańnia pałkoŭnika milicyi. Jamu zabaroniena na praciahu 5 hadoŭ zajmać pasady, źviazanyja z vykanańniem arhanizacyjna-rasparadčych abaviazkaŭ, i 4 hadoŭ — z ažyćciaŭleńniem funkcyj pradstaŭnika ŭłady.

Połudzień pryznany vinavatym va ŭčynieńni złačynstvaŭ, praduhledžanych č. 3 art. 424 (złoŭžyvańnie ŭładaj abo słužbovymi paŭnamoctvami) i č. 3 art. 426 KK (pieravyšeńnie ŭłady abo słužbovych paŭnamoctvaŭ asobaj, jakaja zajmaje adkaznaje stanovišča).

0

0

0

0

0

0

Viačasłaŭ Budkievič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH