Bojka va Uruččy: viersija milicyi 1

Supracoŭnikami adździeła kryminalnaha vyšuku Pieršamajskaha RUUS Minska padčas apieratyŭna-vyšukovych mierapryjemstvaŭ ustanoŭleny ŭsie asoby ŭdzielnikaŭ kanfliktu, što zdaryŭsia 24 červienia ŭ 22.00 na vulicy Haradzieckaj. Adzin ź ich užo zatrymany.

Jak paviedamili u HUUS Minharvykankama, u paniadziełak u 22.28 u dziažurnuju słužbu pastupiła paviedamleńnie ab tym, što na aŭtastajancy pa Haradzieckaha ŭ mužčynu stralali ź pnieŭmatyčnaj zbroi i jon paciarpieŭ. Da miesca skiravaŭsia narad adździeła departamienta achovy. Na miescy milicyja zastała paciarpiełaha (žychar hetaha ž rajona, raniej sudzimy, 1987 hoda naradžeńnia), padazravanyja ŭciakli. Bryhada chutkaj miedycynskaj dapamohi dastaviła paciarpiełaha ŭ balnicu, dzie jamu byŭ pastaŭleny dyjahnaz «udar miakkich tkanak tvaru, ałkaholnaje apjanieńnie». Paśla ahladu miedykami mužčyna byŭ adpuščany damoŭ.

Ad padačy zajavy paciarpieły admoviŭsia. Adnak raskazaŭ, što byŭ biespryčynna źbity tryma nieviadomymi u 22.00 na aŭtastajancy.

Pavodle jaho słoŭ, jon stajaŭ i kuryŭ kala ŭvachodu ŭ mahazin, a troje maładych ludziej źbili jaho biez usialakaj pryčyny. Ad udaraŭ jon straciŭ prytomnaść i toje, što adbyvałasia da prybyćcia milicyi i miedykaŭ, nie pamiataje. Pavodle śviedčańnia vidavočcaŭ, jany čuli streły ź pnieŭmatyčnaj zbroi.

Asoby ŭsich troch padazravaanych ustanoŭleny, adzin ź ich užo zatrymany.

Pravodzicca dalejšy kompleks apieratyŭna-vyšukovych mierapryjemstvaŭ. Jość apieratyŭnaja infarmacyja ab dačynieńni ŭdzielnikaŭ incydentu da adnaho z maładziožnych ruchaŭ futbolnych fanataŭ.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH