Heta zdarydasia ŭ načnoj elektryčcy, jakaja jechała ź Minska ŭ Brest.
«Na stancyi «Baranavičy-Paleskija» ŭvahu supracoŭnikaŭ milicyi pryciahnuŭ małady čałaviek, jaki vyjšaŭ z elektraciahnika. Dla vyśviatleńnia asoby jaho zaprasili ŭ dziažurnuju častku, a tam pry ahladzie vyjavili ŭ jaho kašalok z 1,9 młn rubloŭ», — raskazaŭ načalnik štaba Baranavickaha adździeła ŭnutranych spraŭ na transparcie Vadzim Kulik, paviedamlaje «Intex-press».
Jak akazałasia, zatrymany — 19-hadovy žychar Pinskaha rajona, jaki raniej byŭ sudzimy za rabavańnie.
Milicyjanty, pa słovach Vadzima Kulika, zapadozryli, što kašalok chłopiec u kahości vykraŭ. «Ich padazreńni nieŭzabavie paćvierdzilisia: u dziažurnuju čaść źviarnuŭsia žychar Žabinki, jaki paviedamiŭ, što pračnuŭšysia ŭ elektryčcy, nie znajšoŭ svajho kašalka», — raskazaŭ načalnik štaba.
U dačynieńni da žychara Pinskaha rajona raspačata kryminalnaja sprava pa artykule «kradziež».