 Vice-premjer Siamaška |
Siońnia ŭ Bruseli pačynajecca kanferencyja pa pytańniach eŭrapiejskaj palityki dobrasusiedztva. Upieršyniu na mierapryjemstvie takoha kštałtu buduć prysutničać vysokija biełaruskija čynoŭniki. U Miensku hety fakt starajucca nie afišavać. Eksperty źviazvajuć maŭčańnie biełaruskaha ŭradu z raspačataj na eŭrapiejskim poli jaho hulnioj na panižeńnie davieru da rasiejskaha hazavaha manapalista, paviedamlaje Niezavisimaja hazieta.
Miensk imkniecca zblizicca z krainami EZ, kudy vysokim biełaruskim čynoŭnikam ujezd zabaronieny, u ramkach sankcyj EZ, vykarystoŭvajučy svaje roznahałośsi z Rasiejaj. U pryvatnaści, ličać eksperty i miascovyja naziralniki, jość usie padstavy mierkavać, što biełaruskamu kiraŭnictvu vyhadnaja sprečka z «Hazpromam» — jak fon dla naładžavańnia ŭzajemadačynieńniaŭ z Eŭropaj. Eŭrapiejskija dyplamaty nieadnarazova ciaham hodu padkreślivali, što paśla letašniaha pieradnavahodniaha šoku jany pa‑inšamu pahladzieli na dačynieńni ź Biełaruśsiu. «My ŭ adnoj enerhietyčnaj łodcy», — daviałosia niejak pačuć ad pradstaŭnikoŭ niamieckaj dyplamatyčnaj misii.
Pakul Eŭropa nie admaŭlajecca ad raniej sfarmulavanych umovaŭ supracoŭnictva z aficyjnaj Mienskam. Nahadajem, što dla viadzieńnia pieramovaŭ nazyvalisia demakratyčnyja reformy i vyzvaleńnie palitviaźniaŭ. Adnak, vierahodna, niejki dyjaloh idzie. Va ŭsialakim vypadku Biełaruś zaprošana ŭ jakaści krainy —naziralnika na kanferencyju pa pytańniach eŭrapiejskaj palitykai dobrasusiedztva. Pra toje, što ŭ Bruseli čakajuć Uładzimiera Siamašku, ŚMI paviedamili sa spasyłkaj na eŭrakamisara pa źniešnim suviaziam i palitycy dobrasusiedztva Benitu Fereru‑Valdner.
Pakul pieršy namieśnik biełaruskaha ŭradu vajažuje pa Eŭrompie, u jaho na radzimie raskručvajecca novy hazavy skandał. Biełaruskija čynoŭniki znajšli chiby ŭ raźliku cany na haz i buduć prapanoŭvać «Hazpromu» ich likvidavać. Pra heta zajaviŭ namieśnik dyržktara «Biełtranshaz» V. Vałčuha.
«Formułu možna pa‑roznamu čytać, i na jakuju vieličyniu padvyšać canu na haz — heta pytańnie», — pajaśniŭ jon žurnalistam hałoŭny niedachop ahavorany ŭ 4‑hadovym kantrakcie miž «Hazpromam» i «Biełtranshazam» schiemy raźliku cany hazu. Pavodle słovaŭ čynoŭnika, biełaruski bok nie zadavalniaje toje, što budučuju canu «nielha adčuć» užo siońnia. Jana budzie zrazumiełaja tolki da siaredziny studzienia, kali kančatkova składziecca cenavaja kanjunktura. Niahledziačy na heta, u Miensku napierad hatovyja da tradycyjnaj pieradnavahodniaj sprečki z «Hazpromam» «Pryniać adnaznačna novuju canu my naŭrad ci pahodzimsia», — skazaŭ Vaŭčuha. «Treba budzie prymianiać arhumentacyju, — padzialiŭsia jon planami. — I my spadziajemsia, što «Hazprom» usprymie heta z razumieńniem», — skazaŭ jon. Pavodle infarmacyi «NH», Miensk maje prapanavać «Hazpromu» zamianić schiemu raźliku sapraŭdnaj matematyčnaj formułaj, jakaja b dazvalała bačyć, ad jakoj vieličyni zaležyć cana hazu.
Nahadajem, što kantrakt, padpisany bakami za 1 chvilinu da pačatku 2007 h., praduhledžvaje, što u 2008 h. cana hazu dla Biełarusi maje skłaści 67% ot siarednieeŭrapiejskaj minus transpartnyja vydatki. Abmiarkoŭvajučy hazavuju temu, eksperty adznačajuć, što adnaznačna adkazać na pytańnie, jakaja kankretnaja płanka hetaj siarednieeŭrapiejskaj cany, sapraŭdy niemahčyma. Kalidor eŭrapiejskich cenaŭ — 250—300 dał. za 1 tys. kub. m. Na dumku biełaruskaha ekanamista Leanida Zaiki, za asnovu možna prymać canu na haz dla Niamieččyny. «Ad 280 dalaraŭ — cany pastavak adymajem 30 dalaraŭ transpartnych vydatkaŭ i atrymlivajem 250 dalaraŭ. Heta taja cana, jakuju pavinna płacić Biełaruś biez uliku hetych savieckich kantraktaŭ». Kali ž prymianić panižajučy kaeficyjent, vyjdzie 167 dał. za 1 tys. kub. m. Hetaja cana namnoha vyšejšaja za tuju, jakaja nazyvałasia biełaruskim uradam, jak aryjencir u pieramovach z «Hazpromam». Jana taksama za miežami cenavaha kolidora, jaki nazyvaŭ na tym tydni pasoł Rasiei ŭ Biełarusi Alaksandar Surykaŭ. Praŭda, jość eksperty, jakija nazyvajuć i vyšejšyja ceny. Naprykład, 200 dał. za 1 tys. kub. m.
***
Tym časam infarmacyjnaje ahienctva BiełTA paviedamlaje, što ŭ kanferencyi ŭ Bruseli, na jakuju zaprošanyja vysokapastaŭlenyja pradstaŭniki ministerstvaŭ zamiežnych spraŭ dziaržaŭ - členaŭ ES i krain, na jakija raspaŭsiudžvajecca dziejańnie jeŭrapiejskaj palityki susiedstva (Ałžyr, Armienija, Azierbajdžan, Biełaruś, Jehipiet, Hruzija, Izrail, Iardanija, Livan, Livija, Małdova, Maroka, Paleścinskaja aŭtanomija, Siryja, Tunis, Ukraina) -- Biełaruś budzie pradstaŭlać namieśnik ministra zamiežnych spraŭ Valer Varaniecki.
***
Asprečyła infarmacyju pra vizyt U. Siamaški ŭ Brusel v.a. pres-sakratara MZS Maryja Vańšyna. «Biełaruś na kanferencyju pradstaŭlaje namieśnik ministra zamiežnych spraŭ Valer Varaniecki», - zajaviła jana.
