Na poŭnačy Brazilii futbolnyja zaŭziatary adrezali hałavu sudździ, jaki śmiarotna paraniŭ nažom hulca, jaki admoviŭsia pakinuć pole, paviedamili pradstaŭniki ŭładaŭ.
Trahiedyja razyhrałasia ŭ štacie Maranjan padčas matču dvuch amatarskich kamand. Raźjušanyja zaŭziatary vybiehli na pole i da śmierci zabili kamianiami sudździu Atavija da Siłvu. Paśla taho, jak jon pierastaŭ dychać, jamu adrezali hałavu.
Jak paviedamili pradstaŭniki palicyi, heta było reakcyjaj na dziejańni da Silvy, jaki ŭdaryŭ nažom hulca Žasienira duš Santuša.
U suviazi z hetym zabojstvam aryštavany
Kryvavy incydent adbyŭsia ŭ addalenym miastečku štata jašče 30 červienia, ale viadoma pra jaho stała tolki ciapier. Pa słovach pradstaŭnikoŭ Ministerstva hramadskaj biaśpieki, pačałosia ŭsio z bojki pamiž sudździoj i hulcom, jaki admoviŭsia pakinuć pole, paśla taho jak atrymaŭ čyrvonuju kartku.
Da Siłva raptam vyciahnuŭ nož i paraniŭ hulca, jaki pamior pa darozie ŭ balnicu.
Jak skazana ŭ zajavie ministerstva, siabry i svajaki futbalista, nakiravalisia na pole, zabili sudździu kamianiami i adrezali jamu hałavu.
«My znojdziem usich datyčnych da hetaha zabojstva i arhanizujem im sudovy praces», — zajaviŭ kiraŭnik palicyi Valter Košta, słovy jakoha cytujuć miascovyja srodki masavaj infarmacyi.
«Adno złačynstva nikoli nie moža słužyć apraŭdańniem dla inšaha», — dadaŭ jon.
