U Minsku zafiksavany jašče adzin vypadak paražeńnia elektratokam pasažyra ŭ tralejbusie.
Jak paviedamlaje ŭpraŭleńnie DAI HUUS Minharvykankama, 31 žniŭnia ŭ 18.30 na prypynačnym punkcie "Univiersam "Ryha" ŭ tralejbusie maršruta № 29 była traŭmavanaja elektryčnym tokam žančyna. Z dyjahnazam "elektratraŭma" jana była špitalizavana ŭ 2-ju haradskuju kliničnuju balnicu.
Varta zaznačyć, što ŭ Biełarusi heta daloka nie pieršy vypadak paražeńnia pasažyra tokam u tralejbusie. Tak, naprykład, 25 listapada 2005 hoda ŭ Minsku pry ŭvachodzie ŭ tralejbus zahinuła studentka adnoj sa staličnych VNU. Pa fakcie jaje śmierci była raspačata sprava na padstavie častki 2 artykuła 318 KK (vypusk u ekspłuatacyju technična niaspraŭnaha aŭtadarožnaha transpartnaha srodka abo niezakonny dopusk da kiravańnia im).
U svoj čas Mintransam navat stvarałsia kamisija, jakaja rasśledavała vypadki paražeńnia pasažyraŭ elektratokam u tralejbusach. Byli ŭstanoŭleny pryčyny i raspracavany kompleks mier pa pavyšeńni elektrabiaśpieki pry pieravozcy pasažyraŭ na haradskim elektryčnym transparcie. U kancy minułaha hoda transpartniki zajavili, što ŭ Biełarusi ŭ poŭnym abjomie praviedzieny mierapryjemstvy pa pavyšeńni elektrabiaśpieki tralejbusaŭ.
