Źbiehły supracoŭnik CRU Edvard Snoŭden u piatnicu sustreniecca z šeraham pravaabaroncaŭ i advakataŭ u tranzitnaj zonie aeraporta «Šaramiećjeva».
Zaprašeńnie na sustreču z amierykancam, jaki na radzimie abvinavačvajecca ŭ dziaržaŭnaj zdradzie, atrymali advakaty Hienrych Padva, Hienry Reźnik, a taksama pradstaŭniki mižnarodnych pravaabarončych arhanizacyj «Mižnarodnaja amnistyja», «Chjuman Rajts Uotč» i inšych.
Žurnalisty nie buduć dapuščanyja na hetuju sustreču, a zaprošanyja piersony zmohuć prajści ŭ tranśfiernuju zonu, jakaja technična ličycca terytoryjaj za miažoj Rasijskaj Fiederacyi.
List i telefanavańni z zaprašeńniem ad imia Snoŭdena advakat Hienrych Padva atrymaŭ jašče ŭ čaćvier ad administracyi «Šaramiećjeva» — asabista Snoudien ź im nie źviazvaŭsia.
0
0
0
0
0
0