Prem'jer-ministr Biełarusi Michaił Miaśnikovič ličyć metazhodnym uviadzieńnie padatku na niepracoŭnych hramadzian.
Vystupajučy na naradzie z kirujučym aktyvam Mahiloŭskaj vobłaści 12 lipienia, kiraŭnik urada zaznačyŭ, što pryblizna 445 tysiač čałaviek pracazdolnaha nasielnictva ŭ Biełarusi nidzie nie pracujuć, a značyć — nie robiać nijakaha ŭniosku ŭ raźvićcio ekanomiki. «Situacyju treba vypraŭlać. Adzin sa sposabaŭ — uviadzieńnie padatku ź niepracoŭnych», — cytuje Miaśnikoviča dziaržaŭnaje ahienctva BiełTA.
Kab uciahnuć u ekanomiku nieaktyŭnaje nasielnictva i zabiaśpiečyć ludziej dastojnaj zarpłataj, u rehijonach treba aktyvizavać pracu pa stvareńni vysokapraduktyŭnych pracoŭnych miescaŭ, miarkuje premjer.«U kožnym rajonie nieabchodna štohod stvarać jak minimum dziesiać małych vytvorčaściaŭ. U nas šmat svajoj syraviny, jakuju my nie vykarystoŭvajem efiektyŭna, a mahli b vyrablać, da prykładu, budmateryjały i invientar, jakija impartujem. Tut vialikaje pole dziejnaści», — zajaviŭ Miaśnikovič.
Jon taksama paviedamiŭ, što ŭrad užo pačaŭ farmiravańnie biudžetu 2014 hoda, i jon składvajecca «vielmi napružana». Bolšuju častku biudžetnych srodkaŭ u nastupnym hodzie vyrašana nakiravać u realny siektar ekanomiki, zajaviŭ prem'
